Serbët refuzojnë pjesëmarrjen, shkak Kosova

"Me të kuptuar se AKB-ja do të jetë në këtë konferencë, serbët kishin refuzuar pjesëmarrjen", thotë Agim Shahini, kryetar i AKB-së

Pjesëmarrja e Aleancës Kosovare të Biznesit 　në konferencën ndërkombëtare për ndërmarrjet publike me temën “Shteti si pronar – politika e pronësisë, ekzekutimi i interesave të shtetit dhe nxitja e dialogut publiko privat”, në Lubjanë të Sllovenisë, ka bërë që shteti serb të refuzojë pjesëmarrjen në këtë takim.

“Prania e delegacionit nga Kosova, që ishim ne AKB-ja kishte hidhëruar Predrag Filipovin, ambasadorin e Serbisë në Slloveni. Dhe me të kuptuar se AKB-ja do të jetë në këtë takim, ata kishin refuzuar të jenë pjesëmarrës në këtë konferencë ndërkombëtare”, ka thënë Agim Shahini, kryetar i AKB-së, shkruan “Zëri”.

Ai ka deklaruar se ka pasur takime edhe me delegatë të shteteve të cilat ende nuk e kanë njohur pavarësinë e Kosovës. Shahini tha se zyrtarët e AKB-së kanë kërkuar që të kenë bashkëpunim ekonomik, politik dhe bilateral ato shtete me institucionet e Kosovës.

Sipas Shahinit, ajo që është vendimtare janë objektivat e qarta dhe vizionet racionale të ndërmarrjeve publike të themeluara nga institucionet politike si parlamenti dhe qeveria, ku interesat private e politike nuk duhet të mbizotërojnë mbi interesat kombëtare