Sela: Kemi votat e shqiptarëve

Zijadin Sela është në epërsi ndaj kundërkandidatit të tij, Ramiz Merko për komunën e Strugës.

Sela ka thënë se kjo është një fitore e shqiptarëve, pas sipas tij, shqiptarët kanë votuar për të.

“Në rast se kemi parasysh votat e shqiptarëve, ne kemi dyfishin e votave në krahasim me kundër kandidatin tonë. Kemi rreth tre mijë vota më tepër se Ramiz Merko dhe BDI. Në çdo fshat të Strugës ne kemi fituar. Vota shqiptare në qytet është e jona, ai ka marrë votat e LSDM-së. Shqiptarët e kanë fituar këtë betejë. Për ne është i papranueshëm ky rezultat”, ka thënë Sela raporton “Alsat”, përcjell albinfo.ch.

Sipas votave të para Sela është në epërsi me rreth 400 vota ndaj rivalit të tij. Sela ka fituar 3821 vota, kurse Merko 3487.