Kosova

Seanca u ndërpre, dështoi edhe sot konstituimi

Dështon përpjekja e 51-të për konstituimin e Kuvendit

E mërkurë, 23 Korrik 2025 - 11:20 albinfo.ch

Edhe tentimi i 51-të për konstituimin e Kuvendit të Kosovës nuk ka dhënë asnjë rezultat, përcjell albinfo.ch.

Ndryshe nga herët tjera, sot nuk është hedhur në votim fare konstituimi i Kuvendit. Kjo pasi pati një përplasje mes kryesuesit të Kuvendit, Avni Dehari dhe deputetes së PDK-së, Ganimete Musliut.

Fillimisht Dehari i kërkoi regjisë t’ia ndalë fjalën Musliut duke u thirrur në rregulloren e Kuvendit që nuk ka hapësirë për debat. Kjo e fundit ia mori mikrofonin Deharit për ta vazhduar fjalimin e duke i kërkuar që të mos i ndërpritet fjala.

Dehari mbylli seancën duke thënë se nuk ka kushte për vazhdimin e saj.

Vazhdimi i radhës është caktuar për të premten në orën 11:00.