Scholz në SHBA, Kosova pritet të jetë temë në takimin me presidentin Joe Biden

Kancelari i Gjermanisë, Olaf Scholz, është nisur drejt Shteteve të Bashkuara të Amerikës për vizitë në Washington, ku do të takohet me anëtarët e Kongresit dhe nesër do të zhvillojë takim me presidentin amerikan, Joe Biden, transmeton albinfo.ch.

Scholz nuk ka dhënë ndonjë deklaratë të drejtpërdrejtë në lidhje me vizitën dhe nuk pranoi pyetje, por u shpreh se një çështje kryesore tani është se si Evropa, por edhe Shtetet e Bashkuara të Amerikës, mund të përjetësojnë mbështetjen për Ukrainën, raporton AP.

Nga zyra e Scholz nuk është konfirmuar apo mohuar se në takimin e tij me presidentin Biden, në mesin e temave të diskutimit do të jetë situata në përgjithësi në Ballkanin Perëndimor si dhe tensionet dhe procesi i dialogut mes Kosovës dhe Serbisë.