Sara Sahiti debuton në Bundesligë, vetëm 11 ditë pas paraqitjes së parë me Kosovën

TSG Hoffenheim nuk po rrit vetëm talentët e njohur si Fisnik Asllani, Albain Hajdari e Leon Avdullahu, transmeton albinfo.ch.

Në këtë klub po shkëlqen edhe një emër i ri që po i gëzon futbollit të femrave në Kosovë: Sara Sahiti.

Futbollistja e re kosovare ka realizuar një hap të madh brenda një periudhe jashtëzakonisht të shkurtër.

Më 28 tetor, Sahiti bëri debutimin zyrtar me Kombëtaren e Kosovës, duke lënë menjëherë përshtypje pozitive, ndërkohë, 11 nëntor, vetëm 11 ditë më vonë, ajo shënoi debutimin në Bundesligën gjermane, një nga ligat më të forta në botën e futbollit të femrave.

Ky progres i shpejtë e vendos Sahitin në mesin e talenteve më premtuese shqiptare në futbollin ndërkombëtar. Hoffenheim vazhdon të tregojë se është një vatër e rëndësishme për zhvillimin e lojtarëve shqiptarë, dhe tani edhe Sara i bashkohet kësaj rruge të suksesit. /Albinfo.ch