Sa për qind u rrit tregu zviceran i punës në vitin 2022

@pixabay

Tregu i punësimit në Zvicër lulëzoi vitin e kaluar, duke regjistruar një rritje prej 23 për qind në ofertat e punës në krahasim me vitin 2021, sipas një studimi të publikuar të martën, agjencia e rekrutimit Adecco, përcjell albinfo.ch.

“Tregu zviceran i punës e mbylli vitin në gjendje shumë të mirë,” tha Marcel Keller, drejtor i Adecco Zvicër.

Studimi nxjerr në pah tendencën rritëse të ofertave për punë në sektorin e shërbimeve dhe shitjeve (+47 për qind). Profesionet e tjera me rekrutim të fortë përfshijnë stafin e aftë të zyrës dhe administrative (+34 përqind), si dhe industrinë e hoteleve dhe restoranteve (+28 përqind).

Zvicra Lindore dhe Mittelland përjetuan kërkesën më të lartë për punë, ndërsa tregu ishte më pak dinamik në pjesën veriperëndimore të vendit.