Sa kanë votuar në Zvicër deri në ora 09:00

Sipas njoftimit deri në ora 09:00 në Bernë kanë votuar 12% e votuesve, në Gjenevë 10 % dhe Cyrih 12 %

Në përfaqësitë diplomatike të Republikës së Kosovës ka nisur procesi i votimit për qytetarët tanë që jetojnë jashtë vendit.

Deri në orën 09:00 kanë votuar 8.64% e votuesve të regjistruar, transmeton albinfo.ch.

Procesi i votimit po zhvillohet në mënyrë të rregullt, në përputhje me procedurat e përcaktuara, ndërsa në shumë nga këto përfaqësi, po shënohet pjesëmarrje e lartë e qytetarëve, e cila dëshmon për angazhimin qytetar dhe lidhjen e fortë që mërgata jonë ka me atdheun.

Ministria e Punëve të Jashtme dhe Diasporës, në koordinim të vazhdueshëm me Komisionin Qendror të Zgjedhjeve dhe përfaqësitë diplomatike, po ndjek nga afër mbarëvajtjen e procesit, duke siguruar kushte të përshtatshme për ushtrimin e së drejtës së votës për të gjithë qytetarët tanë jashtë vendit.

Vendvotimet do të jenë të hapura deri në ora 19:00.

Ju ftojmë të shfrytëzoni të drejtën tuaj të votës brenda orarit zyrtar, thuhet në njoftim e Ministrisë së Punëve të Jashtme dhe Diasporës.

Sipas njoftimit deri në ora 09:00 në Bernë kanë votuar 12% e votuesve, në Gjenevë 10 % dhe Cyrih 12 %.

---