Sa humb Maqedonia nga ikja e të rinjve në Evropë

74 për qind kërkojnë punë më të mirë jashtë vendit

Maqedonia humb mbi 15 mijë euro në vit për cdo të ri që braktisë vendin

Shteti humb 15.848 euro në vit për çdo të ri të emigruar, sipas një rrjeti të shtatë organizatave për parandalimin e ikjes së trurit.

Ata thonë se nuk ka të dhëna konkrete për numrin e të rinjve që janë larguar nga vendi, por thonë se është më se e nevojshme të bëhet regjistrimi i popullsisë, shkruan albinfo.ch.

«Arsyeja kryesore pse të rinjtë largohen, dmth 74 për qind kërkojnë punë më të mirë jashtë vendit. Arsyeja e dytë është se ata janë të irrituar nga situata politike, pra 36 prej të anketuarve kanë shprehur këtë mendim. Nga ana tjetër, shumica e të rinjve kthehen në vend për shkak të nostalgjisë, si dhe për të filluar biznesin e tyre që duhet të merren parasysh nga institucionet për të ndërmarrë veprime dhe për të tërhequr të rinjtë për të investuar në vendin e tyre, thotë Ivan Jovanov, koordinator i Rrjeti kundër ikje së trurit, përcjell albinfo.ch

Ai thekson se mesatarisht një i ri ka nevojë për rreth dy vjet e gjysmë për të gjetur një vend pune pas përfundimit të shkollimit.

OSHC besojnë se strategjitë dhe dokumentet ekzistuese gjithashtu duhet të respektohen pasi ekziston një Strategji për Rrjetëzim dhe Bashkëpunim me Profesionistët e Arsimit të Lartë për periudhën 2013-2020, por vetëm një plan veprimi për vitin 2014 është përgatitur për të.

“Sipas mendimit tonë kjo nuk është e përshtatshme dhe në periudhën e ardhshme ne do të punojmë për analizimin e kësaj strategjie dhe do të bëjmë një propozim për të hartuar një plan veprimi,” tha Jovanov.

Të dhënat e Bankës Botërore tregojnë se një e katërta e popullsisë së vendit, ose 500,000 njerëz, janë larguar nga vendi.

Rrjeti i parandalimit të ikjes së trurit të martën e ardhshme po organizon një panel diskutimi mbi atë që institucionet po bëjnë për të parandaluar rrjedhjen e të rinjve nga shteti. Drejtorët e agjencisë rinore dhe sportit dhe emigracionit po marrin pjesë në këtë forum

---