Sa do t’u kushtojë qytetarëve të BE-së ndalimi i gazit rus?

Sipas disa vlerësimeve, një veprim i tillë do t’i kushtonte çdo qytetari të BE-së.

BE-ja ra dakord për vendosjen e sanksioneve të reja ndaj Rusisë që lidhen kryesisht me embargon e qymyrit, por disa shtete kërkojnë që e njëjta gjë të bëhet edhe me gazin.

Në Francë, e cila importon vetëm 17 për qind të gazit rus dhe 13 për qind të naftës, ky veprim do të kushtonte nga 70 deri në 105 euro për frymë.

Por në Gjermani, e cila është 55 për qind e varur nga gazi dhe 34 për qind nga nafta e furnizuar nga Moska, çdo banor i Gjermanisë do të kishte një kosto shtesë vjetore prej 100 deri në 900 euro, në varësi të shkallës së sanksioneve ndaj gazit dhe naftës.

Disa vende të BE-së, si Franca, Italia dhe Spanja, do ta paguanin këtë masë me 0,15 deri në 0,20 për qind të PBB-së, por disa që varen shumë nga energjia ruse, si Republika Çeke, Sllovakia, Bullgaria, Lituania apo Finlanda, me pesë për qind.

Kjo do të përkthehej në një kosto të madhe për qytetarët vlerësojnë ekspertët, por ekziston frika se Rusia mund të kundërpërgjigjet duke mbyllur totalisht rubinetin e gazit.

 

---