Sa do të zgjasë vala e të nxehtit në Zvicër?

Autoritetet zvicerane kanë lëshuar një paralajmërim të nxehtësisë për disa pjesë të vendit pasi temperaturat po rriten.

Të mërkurën, temperatura u rrit mbi 30 gradë Celsius në pjesën më të madhe të vendit, përveç jugperëndimit rreth Zermatt.

Në Zvicër në ditët në vijim priten temperatura rreth 35 gradë Celsius, madje në disa vende deri në 36 ose 37 gradë Celsius, shkruan The Local.

Qeveria zvicerane po paralajmëron për një valë të mundshëm të nxehtësisë së nivelit 3 (nga 5) për pothuajse të gjithë Zvicrën nën një lartësi prej 600 metrash mbi nivelin e detit të premten.

Në Ticino, një paralajmërim për temperaturat e larta ka qenë në fuqi që nga e diela.

Sa do të zgjasë?

Luginat Jura dhe Zvicra veriperëndimore gjithashtu mund të përballen me nxehtësi më intensive.

Temperaturat e larta do të qëndrojnë deri në mesin e javës së ardhshme. Mund të mbetet gjithashtu i nxehtë për më gjatë. Por për gjysmën e dytë të javës, modelet e motit ende ndryshojnë ndjeshëm”, thanë meteorologët, përcjell albinfo.ch.

Netët e ardhshme në shumicën e vendeve do të mbeten mjaft të buta midis 15 dhe 19 C, thanë sinoptikanët.

Në lartësi pak më të larta, rreth 50 deri në 100 metra mbi tokë, mund të mos bjerë nën 20 C, e cila njihet si një natë tropikale, shkruan The Local.

Çka do të thotë kjo për njerëzit dhe natyrën?

Kur është vërtet nxehtë dhe nuk ka stuhi për të zbutur nxehtësinë, toka thahet, tha Blumer, duke shtuar se nxehtësia ekstreme shkakton stres tek njerëzit dhe kafshët.

“Është e rëndësishme që njerëzit të pinë mjaftueshëm lëngje”, tha ai.

Rreziqet e mundshme për njerëzit në valët e të nxehtit përfshijnë problemet e qarkullimit të gjakut dhe parehati fizike, përcjell albinfo.ch.

Meteo Schweiz rekomandon konsumimin e rregullt dhe të mjaftueshëm të lëngjeve – idealisht pa sheqer. Duhet të shmanget rrezet e diellit direkte dhe nëse jeni në diell, vishni krem kundër diellit, kapele dhe syze dielli.

A do të jetë vapë edhe muajin tjetër?

Parashikuesit nuk mund të parashikojnë ende se sa i ngrohtë do të jetë shtatori.

Megjithatë, meteorologu Blumer thotë se mund të jetë më e ngrohtë se zakonisht sepse “pjesë të mëdha të kontinentit janë mbinxehur dhe temperaturat e detit janë gjithashtu në intervalin rekord në shumë vende”.

Megjithatë, ai tha se situata mund të ndryshojë për vende individuale siç u pa në fillim të kësaj vere.

“Në fund të korrikut dhe në fillim të gushtit ishte ftohtë në Zvicër, ndërsa shumë zona përreth Mesdheut po vuanin nga një valë e nxehtë”, tha Blumer, shkruan The Local.

---