Rusia “shqetësohet” për trafikimin me organe në Kosovë

Ambasadori rus në Kombet e Bashkuara Vitalij Çurikn ka deklaruar se për Rusinë është ‘shqetësuese’ që OKB-ja ende asgjë nuk po ndërmerr lidhur me raportin e Këshillit të Evropës për trafikimin me organe njerëzore në Kosovë, duke i akuzuar anëtarët e Perëndimit për rezistencë.

Çurkin, ka thënë se Rusia nuk e kupton përse kolegët e tij perëndimorë në Këshillin e Sigurimit po refuzojnë të vërtetohet nëse hetimi, të cilin aktualisht në Kosovë po e zbaton EULEX-i, me të vërtetë është bindës dhe nëse po bëhet çdo gjë që autorët të gjenden.

Duke folur për TV “Rusia sot”, Çurkin rikujtoi se delegacioni i Serbisë bashkë me atë të Rusisë, kanë hartuar draftrezolutën, me të cilën kërkohet themelimi i zyrës së përfaqësuesi special të Sekretarit të Përgjithshëm të OKB-së, e cila do të përcjellë punën e EULEKS-it dhe do të vë rtetojë nëse dëshmitarët janë të mbrojtur mirë, transmeton VOA.

Sipas tij, delegacioni rus është i bindur se mekanizmi i EULEX-it nuk është i mjaftueshëm për hetim të drejtë, për mbrojtjen e dëshmitarërve, si dhe për raportim para Këshilli të Sigurimit.

Ambasadori rus shpreson se bashkë me delegacionin e Serbisë rezoluta në fjalë do të miratohet gjatë vitit 2012.