Rrustem Berisha, tani ministër i Mbrojtjes

Ai tha se formalisht qysh nga sot është dashur të jetë ministër i Mbrojtjes, mirëpo për shkak të procedurave duhet pritur

Pas votimit të ushtrisë nga ana e deputetëve të Kosovës, ministri aktual i FSK-së, Rrustem Berisha, ka thënë se votimi i tillë, me vota unanime të projektligjeve për ushtrinë e Kosovës është një kapitull i ri për Kosovën.

Sipas tij  me anë të kësaj është rrumbullakuar shtetësia e Kosovës, përcjell albinfo.ch.

Ai tha se formalisht qysh nga sot është dashur të jetë ministër i Mbrojtjes, mirëpo për shkak të procedurave duhet pritur.

Ministri, Berisha nuk kishte përgjigje se në ceremoninë e organizuar në ambientet e Ministrisë do të jenë aleatët e Kosovës, përfshirë NATO dhe ShBA-të. Mirëpo, theksoi se do të kenë bashkëpunim të afërt me SHBA-të dhe NATO-n

“Po hapet një kapitull i ri, në një formë po rrumbullakohet konsolidimi i shtetit të Kosovës, që nga sot ne realisht do të kemi dhe segmentin e mbrojtjes që është shumë i rëndësishëm…organizimi është i kryeministrit, kryeparlamentarit, presidentit, nuk është e ministrisë sonë. Një gjë ju garantoj se ne do të bashkëpunojmë me gjithë partnerët tanë strategjik, NATO dhe ShBA, me të cilët kemi bashkëpunuar dhe tani, por do të gjejmë dhe fusha tjera… realisht votimi është dashur që nga sot, unë do të jem prej momentin kur do të hyjnë në fuqi ligjet”, ka thënë Berisha.

---