Rritje e numrit të rasteve të abuzimit me fëmijë në Zvicër

(KEYSTONE/Christof Schuerpf)

Abuzimi i fëmijëve ka shënuar rritje prej 14% gjatë vitit 2022 në Zvicër.

 Janë identifikuar afro 1900 raste, një rritje prej 14%. Dy fëmijë të vegjël vdiqën si pasojë e dhunës fizike dhe psikologjike, shkruan RTS.

Të martën, Shoqata Zvicerane e Pediatrisë thotë se kjo rritje nuk është vërejtur më parë.

Studimi i kryer nga 20 klinikat e pediatrisë që shërbyen si bazë për vlerësimin, identifikon fëmijët dhe adoleshentët deri në 17 vjeç që janë viktima të abuzimit. Rastet e shumta numërohen vetëm një herë, në kategorinë e keqtrajtimit më të rëndë, përcjell albinfo.ch.

Rastet e neglizhencës përfaqësojnë 30% të rasteve, më shpesh të ndjekura nga abuzimi fizik në 28% të rasteve dhe abuzimi psikologjik vjen në vendin e tretë me 27% të rasteve.

Mjekët gjetën abuzim seksual në 14% të fëmijëve të trajtuar dhe sindroma Munchausen me prokurë, ku i rrituri i shkakton qëllimisht fëmijës probleme shëndetësore për të tërhequr vëmendjen e profesionit mjekësor, ishte mezi 1%. Ndarja e formave të abuzimit mbeti e qëndrueshme në vitin 2022, shkruaj RTS.

Vajzat janë më shpesh viktima të abuzimit (56%) sesa djemtë (44%). Për rastet e abuzimit seksual ose dyshimit për abuzim seksual, proporcioni për këto shkon në 84%. Përveç rrahjeve, vajzat janë më të ekspozuar se djemtë ndaj të gjitha formave të abuzimit.
Në vitin 2022, fëmijët shumë të vegjël ishin më shpesh viktima të abuzimit. Përqindja e fëmijëve nën gjashtë vjeç është pothuajse 45%, përcjell albinfo.ch.