Rritja më e madhe e punësimit në 10 vjetët e fundit në Zvicër

Keystone

Barometri i Punësimit, i publikuar çdo tre muaj nga Zyra Federale e Statistikave (FSO), tregon një rritje prej 1.6 për qind, në 4.961 milionë punonjës në tremujorin e parë të vitit 2018 krahasuar me një vit më parë. Krahasuar me tremujorin e mëparshëm, numri i të punësuarve u rrit me 0.6 për qind, shkruan albinfo.ch.

Në ekuivalentët me orar të plotë punësimi u rrit me 1.7 për qind në tremujorin e parë të vitit 2018. Si në sektorin sekondar (industria dhe ndërtimi), ashtu edhe në sektorin terciar (shërbime), punësimi u rrit 1.3, përkatësisht 1.7 për qind.

Në një bazë të rregulluar sezonale, punësimi u rrit me 0.6 për qind në tremujorin e katërt. Në sektorin sekondar dhe terciar, punësimi i përshtatur sezonal është rritur me 0.5% dhe 0.4%, respektivisht.

Në ekonominë në tërësi, 11,000 vende të lira u numëruan më shumë se në tremujorin e njëjtë të vitit të kaluar (+17.9 për qind).

Perspektivat e punësimit duken gjithashtu pozitive, sipas treguesve kryesorë. Treguesi i parashikimit të punësimit është raportuar në 1.03 (+0.4 për qind në terma vjetorë).