Rritja e turizmit ndikoi në shtimin e bizneseve në bregdet

Ministrja e Shtetit për Mbrojtjen e Sipërmarrjes së Shqipërisë, Sonila Qato, ka paraqitur raportin për ankesat e depozituara, nga i cili del se politikat për nxitjen e turizmit në vend  kanë dhënë rezultate pozitive.

Ajo theksoi se turizmi i shtuar këtë vit ka pasur një impakt të drejtpërdrejtë në hapjen e bizneseve të reja dhe më konkretisht, në rritjen e ekonomisë familjare për secilin shqiptar, përcjell albinfo.ch.

“Mjafton të mendojmë se numri i bizneseve të reja në qarqet bregdetare u rrit me 21%, ndërsa rritja e xhiros në qendra të rëndësishme turistike, si Durrësi, Vlora, Shkodra dhe Lezha, shënjoi +12 për qind”, ka deklarua Qato.