Rritja e çmimit të naftës, kompanitë fitojnë miliarda euro

Fitimet e fundit thyen rekordin e vendosur në tremujorin e kaluar

Shell shënoi fitime rekord të enjten për të dytin tremujor radhazi. Gjiganti i energjisë përfitoi nga rritja e çmimeve të naftës dhe gazit natyror, të nxitura nga lufta e Rusisë në Ukrainë.

Shell me bazë në Londër tha se fitimet e saj për tremujorin e dytë u rritën në 11.5 miliardë dollarë (11.3 miliardë euro) nga 5.5 miliardë dollarë (5.4 miliardë euro) në të njëjtën periudhë tremujore vitin e kaluar.

Fitimet e fundit thyen rekordin e saj të vendosur në tremujorin e kaluar, kur kompania regjistroi 9.1 miliardë dollarë (9 miliardë euro) fitime të rregulluara.

Shell tha gjithashtu se do të blinte 6 miliardë dollarë të tjerë (5.9 miliardë euro) në aksione, duke nënvizuar pozicionin e saj të shëndetshëm në para, transmeton euronews, përcjell Albinfo.ch.

Pushtimi rus i Ukrainës ka bërë që çmimet e naftës dhe gazit natyror të rriten pasi kombet refuzuan energjinë ruse dhe reduktimet e furnizimit shkaktuan kërdi në tregje. Rritjet e çmimeve po nxisin inflacionin global, ndërsa rritin fitimet në kompanitë e energjisë.

 

---