Rritet çmimi i naftës, pas vrasjes së gjeneralit iranian nga SHBA-ja

Çmimi i naftës u rrit me 4% pas lajmit të vrasjes së gjeneralit Kasem Sulejmani, i konsideruar nga disa si njeriu që mund të ishte lideri i ardhshëm i Iranit.

Vdekja e kësaj figure të fuqishme të Republikës Islamike pas një sulmi ajror amerikan të urdhëruar nga vetë Donald Trumpi, rrezikon të përflakë tensionet në Lindje të Mesme.

Presidenti iranian, Hassan Rouhani, doli menjëherë me një deklaratë, ku zotohej për shpagim. Eksperti Jeffrey Halley mendon se objektivat e para të zemërimit iranian janë rafineritë dhe cisternat e naftës.