Rriten çmimet e pronave në Zvicër – bien në Francë

(KEYSTONE/Ennio Leanza)

Çmimet e pronave u rritën mesatarisht me rreth 1.7% vitin e kaluar në Zvicër.

Apartamentet panë rritjen më të fortë me rreth 2.3% – ndërsa shtëpitë familjare u rritën me 1.1%.

Shifrat nga Zyra Federale e Statistikave po përdorin një metodë të re të bazuar në hipotekat – pasi shumica e blerjeve të pronave financohen nga kreditë, transmeton albinfo.ch.

Por çmimet në Francën fqinje janë në rënie. Vitin e kaluar çmimet ranë 0.7% në Haute Savoie dhe 0.3% në Pays de Gex.

Analistët thonë se rëniet modeste vijnë si pasojë e rritjeve të forta gjatë pesë viteve të mëparshme.