Rrëzohet helikopteri ushtarak në Turqi, katër të lënduar

Një helikopter ushtarak u rrëzua sot në një lagje të anën aziatike të Stambollit, ku mbetën 4 të lënduar, njoftoi guvernatori i qytetit, Ali Yerlikaya.

‘’Një helikopter ushtarak është rrëzuar, pasi ka kryer ulje të detyruar në një kompleks banimi në Cekmekoy, në lindje të qytetit”, deklaroi në Twitter Yerlikaya.

Katër ushtarakët të cilët ndodheshin në bord në momentin e aksidentit janë plagosur dhe janë shoqëruar në spital, shkruan Atsh, përcjell albinfo.ch.

Pamjet e transmetuara në televizion shfaqin një re të dendur tymi që ngrihej pas një muri të bardhë.