Rreth 400 farmaci ofrojnë teste falas në Austri

Nga e hëna, 8 shkurt, rreth 400 farmaci në të gjithë Austrinë do të ofrojnë mundësinë për t'u testuar falas për virusin Covid - 19 duke përdorur analiza të shpejta të antigjenit.

Nga dita e hënë, jeta e përditshme në Austri do të fillon të ringjallet. Përveç bizneseve të gastronomisë, bizneset tjera tregtare thuajse të gjitha do të hapën.

Mirëpo, hapja e bizneseve nuk do të thotë lirim nga rregulloret, përkundrazi. Masat e reja ndaj kontakteve me njerëz vetëm sa janë ashpërsuar. Mbajta e maskës FFP2 e obligueshme nëpër dyqane si dhe në transportin publik, largësia dy metra me njëri tjetrin si dhe rregullore te reja vetëm sa janë shtuar.

Përveç kësaj, kushdo që do të vizitoj sallonet e bukurisë dhe masazhet duhet të paraqes vërtetimin e testit negativ, jo më i vjetë se 48 orët e fundit, shkruan albinfo.at

Për shkak të kërkesës së lartë që pritet nga njerëzit të cilët duhet doemos të bëjnë teste për Covid – 19, nga dita e hënë testet e koronavirusit do të ofrohen falas në rreth 400 farmaci në të gjithë Austrinë. Vetëm në Vjenë teste falas do të ofrojnë 79 farmaci.

Kështu njoftoi Oda e Farmacistëve ditën e diel. “Është një projekt – pilot që do të zgjerohet gradualisht”, ka thënë Ulrike Mursch Edlmayer, President i Dhomës Austriake të Farmacistëve, raporton orf.at

Regjistrimi paraprak me telefon është “absolutisht i domosdoshëm”, ka shtuar ai. Kur të shkoni për të bërë testin duhet të merrni patjetër me vete edhe kartelën e sigurimit (E-karte)

Lista e farmacive që ofrojnë teste falas gjendet në faqen e internetit të Dhomës së Farmacistëve.  Klikoni këtu për të shikuar se cilën farmaci e keni më së afërmi:

https://www.apothekerkammer.at/fileadmin/Kommunikation/Gratis-Antigentests_Apotheken.pdf

“Testet e Corona janë një shtyllë e rëndësishme e strategjisë për të luftuar pandeminë dhe vetëm në këtë mënyrë mund të ua rikthejmë njerëzëve pak normalitet dhe liri në shumë fusha të jetës së përditshme,” është shprehur Ulrike Mursch-Edlmayr.

---