Rreth 130 fluturime anulohen në aeroportin e Amsterdamit

Ilustrim, Pixabay

Dhjetëra fluturime të parapara për të hënën janë anuluar në aeroportin e Amsterdamit, “Schiphol”. Sipas njoftimit, anulimi ka ndodhur si masë parandaluese, pasi pritet të ketë erëra të forta kur stuhia Isha ta arrijë Holandën, raporton “Reuters”.

Përmes një deklarate nga aeroporti thuhet se janë anuluar rreth 130 fluturime nga dhe për në Amsterdam dhe janë këshilluar udhëtarët të shohin online statusin e fluturimeve të tyre, transmeton albinfo.ch.

Ndryshe, kompania ajrore holandeze KLM, që është përdoruesi kryesor i aeroportit Schiphol, ka thënë se ka anuluar 65 fluturime evropiane të parapara të hënën.