Rreth 10 mijë kosovarë kthehen deri në fund vitit

Rreth 11 mijë kosovarë janë kthyer në vend këtë vit nga vende të ndryshme evropiane.

Shumica prej tyre janë pjesë e valës së madhe të emigrantëve të muajve të fundit të vitit 2014 dhe  muajve të parë të vitit 2015.

Drejtori i Departamentit për Shtetësi, Azil dhe Migracion në Ministrin e Brendshme, Valon Krasniqi thotë se vendet në të cilat kosovarët kanë kërkuar ma së shumti azil, përveç Gjermanisë, sipas Krasniqit janë Franca dhe Austria.

Personat të cilët kanë migruar gjatë vitit 2014 dhe muajve të parë të vitit 2015, sipas tij,  nuk përfitojnë asgjë nga shteti pas kthimit të tyre.

Sipas Krasniqit, deri në fund të këtij viti pritet të kthehen edhe 10 mijë emigrantë.

Ai thotë se Gjermania nuk i penalizon me ndalim te zonës shengen personat që kthehen në Kosovë me vullnetin e tyre.

Ndërkohë ditë më parë ministri i jashtëm gjerman e ka quajtur turp emigrimin e ballkanasve në vendet evropiane.

Ndërsa të dhanat statistikore të Eurostatit kanë bërë të ditur se nga mbi 13 mijë aplikime për azil nga Shqipëria, vetëm 1mijë e 40 prej tyre kanë fituar statusin e azilit, ndërsa nga Kosova vetëm 830 persona.  Franca është vendi që ka dhënë më shumë vendime pozitive dhe jo Gjermania.