Robin Krasniqi, më 13 korrik kundër çekut Adamek

Krasniqit, pas humbjes në prill nga Cleverly, do t`i duhet të bëjë një rrugë të mundimshme për të fituar sërish shansin që të luftojë për titull kampioni botëror

Robin (Haxhi) Krasniqi, boksieri profesionist shqiptar me qëndrim në Gjermani, pas humbjes së pësuar dy muaj më parë nga anglezi Kleverly do të kryqëzojë sërish dorezat. Kjo do të ndodhë më 13 korrik në Dresden dhe kundërshtar i tij do të jetë çeku Tomas Adamek.

Shikuar nga rezultatet e deritashme, shanset për të fituar janë më tepër në anën e Krasniqiit. Ai deri më tash në karrierën e tij profesioniste ka shënuar 39 fitore, 15 prej tyre me nokaut dhe tri humbje. Ndërsa Adamek 20 fitore, 7 me nokaut dhe 8 humbje.

Sidoqoftë Krasniqit, pas humbjes së përmendur do t`i duhet të bëjë sërish një rrugë të mundimshme për të fituar shansin që të luftojë për titull kampioni botëror. Ai pranon se lufta kundër Cleverly-t ka qenë një përvojë e rëndësishme për të. Krasniqi i pati hyrë me shumë optimizëm atij meqi, por siç qe parë, Cleverly ishte më i mirë në të gjitha aspektet. Gjë që sot Robini 26 vjeçare e pranon pa dilemë.

“Një luftë për titull kampioni ka diçka të veçantë dhe në këtë aspekt Nathan Cleverly ishte në një masë më i mirë se unë”.

Në luftën kundër Adamekut, Krasniqi ka shansin të tregojë se çfarë ka mësuar ndërkohë. 00