Rita Ora kujton këngën që e ktheu atë në një divë botërore të muzikës

Plot 12 vjet nga publikimi i “Hot Right Now”

Rita Ora, këngëtarja shqiptare që ka arritur të bëhet një emër i madh në skenën botërore të muzikës, ka festuar sot 12-vjetorin e lansimit të parë të hitit të saj “Hot Right Now”, përcjell albinfo.ch.

Kënga, e cila u realizua në bashkëpunim me DJ Fresh në vitin 2012, ka qenë pika e nisjes që e çoi Ritën në majat e sukseseve dhe lista të ndryshme muzikore, përfshirë vendin e parë në klasifikimet e Mbretërisë së Bashkuar.

Me një ndjenjë emocioni dhe mirënjohjeje, Rita ka ndarë me ndjekësit e saj në rrjete sociale një mesazh prekës në InstaStory, “!2 vite! Po qaj! Një dekadë që kur kjo doli dhe ju ende më mbështesni. Jam shumë me fat të kem fansa si ju. Jua dua, faleminderit për gjithçka”.

---