Rita Ora, duet me artisten e famshme Xhenifer Lopez

Jennifer Lopez dhe Rita Ora, me projekte të përbashkëta në muzikë dhe bashkëpunime filmike

Këngëtarja shqiptare, Rita Ora, mund të vijë në një duet me artisten e famshme Xhenifer Lopez, përcjell albinfo.ch.

Gazeta britanike “The Sun” shkruan se këngëtaret e hiteve të mëdha janë bashkuar në Los Anxhelos për të planifikuar bashkëpunime, si në muzikë dhe kinematografi. Rita më herët ka deklaruar se artistja latine është një nga personazhet prej të cilëve ajo frymëzohet.

Siç raporton “The Sun”, këngëtaret e hiteve të mëdha janë bashkuar në Los Anxhelos për të parë se çka mund të bëjnë së bashku dhe, sipas burimeve, ato nuk kanë parë limite.

“J.Lo. dhe Rita janë takuar në Soho House të Los Anxhelosit, ku kanë qëndruar për orë të tëra duke folur se çka mund të bëjnë së bashku, transmeton kultplus.

Duket se bashkëpunimi me këngëtaren, aktoren dhe valltaren e famshme latino-amerikane ka qenë një prej synimeve të kamotshme të këngëtares nga Prishtina, e cila vite më parë pati deklaruar se inspirohet me të madhe nga Jennifer. /Albinfo.ch

 

---