Riola Xhemaili transferohet te klubi i madh gjerman

Njëra prej futbollisteve më të talentuara në Zvicër, mesfushorja Rioa Xhemaili do ta vazhdojë karrierën në Gjermani, shkruan albinfo.ch.

Futbollistja perspektive Riola Xhemaili gjatë verës nga SC Freiburg do të transferohet te VfL Wolfsburg.

Këtë e ka bërë të ditur skuadra e Wolfsburg në profilin zyrtar, duke konfirmuar këtë lëvizje që do të ndodhë në afatin kalimtar të verës.

Kjo futbolliste është me prejardhje nga Gjilani, është 20-vjeçare, dhe luan në mesfushë. Ka qenë pjesë e Basel-it si dhe luan për kombëtaren e Zvicrës.

Klubi i ri i saj Wolfsburg është skuadër e super trofeshme: 2 Liga të Kampionëve, 7 Bundesliga, 9 Kupa të Gjermanisë.