Rikthehen ‘Ethet e Nilit’ në Shqipëri, 17 raste të konfirmuara

@pixabay

“Ethet e Nilit” janë rikthyer në Shqipëri duke u marrë jetën tre personave. 17 raste janë konfirmuar deri më tani, dhe 19 të tjera janë duke u testuar.

Një ditë më parë, shefja për sëmundjet infektive në Institutin e Shëndetit Publik, Silva Bino sqaroi në një deklaratë për mediat se 84% e testimeve nga ISHP për këtë virus janë kryer në muajin korrik.

“Ethet e Nilit Perëndimor është një sëmundje zoonotike, pra që qarkullon kryesisht te zogjtë dhe që prek kryesisht kuajt në sistemin nervor qendror. Por në vendin tonë nuk kemi një monitorim të kuajve për “Ethet e Nilit Perëndimor”. Sa i përket zonave ku kemi pjesën më të madhe kemi Lushnjen, Fierin, Kurbinin dhe Beratin (pjesën në afërsi të Lushnjës, disa raste në Lezhë dhe në Shkodër. Nuk ka patur të prekur në zonat bregdetare,” u shpreh Bino, transmeton A2 përcjell albinfo.ch.

Por çfarë duhet të dimë rreth këtij virusi?

Sipas Qendrave amerikane për Kontrollin dhe Parandalimin e Sëmundjeve, “Ethet e Nilit” përhapen kryesisht te njerëzit nga pickimi i një mushkonje të infektuar.