Rexha falenderon pafundësisht klubin Olten, kërkon të realizojë ëndrrën e ligës së parë

Alban Rexha luan si sulmues dhe zhdërvjelltësia e tij u pa gjatë ndeshjes kundër Winterthurit, i cili ishte protagonist i fitores. Në dy ndeshje të hokejit ai ka shënuar tre gola, shkruan “Solothurner Zeitung”.

Në kohën kur nuk përbën befasi zbulimi i një talenti shqiptar për futboll dhe sportet luftarake, kjo nuk është me sportin e akullit – hokejin. Alban Rexha quhet sportisti nga Langnau i kantonit të Bernës, i cili luan për EHC Olten dhe kërkon të shkruajë historinë me këtë klub. Përndryshe ai është shqiptari i parë që ka luajtur ndonjëherë në ndonjë ligë evropiane të hokejit dhe që shënon gol në ligën profesionale zvicerane.

Alban Rexha luan si sulmues dhe zhdërvjelltësia e tij u pa gjatë ndeshjes kundër Winterthurit, i cili ishte protagonist i fitores. Në dy ndeshje të hokejit ai ka shënuar tre gola, shkruan “Solothurner Zeitung”.

“Po më ecën mjaft mirë. Kam një eksperiencë të mirë pas vetes dhe ndjehem mirë mbi akull,” tha Rexha, përcjell albinfo.ch. “Po tentoj të jem lojtar që i shërbej ekipit, ku mund të ndihmoj edhe mbrojtjen edhe sulmin. Deri tani kjo më ka funksionuar krejt në rregull.”

Për shkak të lëndimit Rexha kishte munguar në derbit e fillimit të sezonës, por tashmë shihet se ngjarjet po zhvillohen në favor të tij.

Me Oltenin në ligën e dytë (Swissleague), lojtari me rrënjë nga Kosova ka lidhur një kontratë njëvjeçare, e cila përmban në vete mundësinë e klubit për ta vazhduar edhe një vit. Më përpara ai luante në EHC Chur por pasi që kishte një lëndim në thembër, nuk ishte një kohë të gjatë në dispozicion të klubit.

“I jam falenderues pafundësisht klubit, i cili më dha një shansë, për të ushtruar më tej hokejin profesionist. Po shfrytëzoj gjithë mundësitë, për të përjetuar edhe njëherë ëndrrën,” thotë Rexha, i cili sëbashku me gruan e tij është zhvendosur drejt Oltenit.

Rexha në fund thotë se është sfidë e madhe të luftosh për kategorinë e parë zvicerane, por për këtë ai “lufton çdo ditë”.

---