Revista Time si “Personat e Vitit”, ka shpallur gazetarët

Në shkrimin e publikuar nga revista, të titulluar “Gardianët dhe Lufta për të Vërtetën”, Time ka nderuar një varg të gazetarëve, duke përfshirë gazetarët e agjencisë së lajmeve, Reuters, Wa Lone dhe Kyaw Soe Oo, të cilët janë dënuar në muajin shtator nga Qeveria e Mianmarit, sipas një Akti të epokës koloniale për Sekrete Zyrtare.

Në këtë listë është përfshirë gazetari i vrarë, Jamal Khashoggi dhe dy gazetarë të Reutersit, të burgosur nga Qeveria e Mianmarit, si “Personazhe të Vitit”.

Në mesin e të nderuarve janë edhe gazetari saudit, Jamal Khashoggi, i cili është njohur si kritik i princit saudit të kurorës, Mohammed bin Salman, shkruan REL, përcjell albinfo.ch

Ai është vrarë dy muaj më parë në konsullatën saudite në Stamboll, pasi ka hyrë aty për të rregulluar disa dokumente për martesë.

Revista po ashtu ka nderuar themeluesen e sajtit të Filipineve, Rappler, Maria Ressa, e cila ka qenë kritike e presidentit të këtij vendi, Rodrigo Duterte.

Në këtë listë janë vënë edhe stafi i gazetës Capital Gazette, pasi një person ka shtënë me armë dhe ka vrarë pesë persona në muajin qershor në selinë e mediumit.

Time ka thënë se ka vendosur të nderojë gazetarinë në kohën kur demokracia është nën rrezik nga qeveria dhe avancimet teknologjike.