Republika e Surinameve njeh pasaportat e Kosovës

Republika e Surinameve ka marrë vendim për njohjen e pasaportave të Republikës së Kosovës, njofton Ministra e Punëve të Jashtme e Kosovës

Vendimi për njohjen e pasaportës kosovare është bërë i ditur përmes një letre zyrtare që Ambasada e Surinameve në Hagë i ka dërguar Ambasadës së Kosovës në Hagë Republika e Surinameve ka marrë vendim për njohjen e pasaportave të Republikës së Kosovës, njofton Ministra e Punëve të Jashtme e Kosovës.”Vendimi është bërë i ditur përmes një letre zyrtare që Ambasada e Surinameve në Hagë, i ka dërguar Ambasadës së Republikës së Kosovës në Hagë. Në letër bëhet e ditur se qytetarët e Kosovës që posedojnë pasaporta të lëshuara nga Republika e Kosovës mund të udhëtojnë në Suriname, pas pajisjes me vizë”, thuhet ë njoftimin e MPJ-së.

Njohja e dokumenteve nga Suriname dhe shtete të tjera të cilat ende nuk e kanë njohur shtetin e pavarur dhe sovran të Kosovës, sipas MPJ-së, është rezultat i përpjekjeve të vazhdueshme të diplomacisë kosovare për avancimin e qëndrimeve të këtyre shteteve, drejt njohjes së Republikës së Kosovës.

”Ministri i Punëve të Jashtme i Kosovës, Enver Hoxhaj, që nga marrja e mandatit në krye të MPJ-së, ka zhvilluar fushatë të fuqishme lobuese në vendet e Amerikës Latine për avancimin e qëndrimeve dhe njohjen sa më të shpejtë të Kosovës nga të gjitha shtetet e kësaj pjesë të botës”, thuhet në njoftimin e MPJ-së.