Rashica u kthehet stërvitjeve

14.12.2019, Bayern, München: Fußball: Bundesliga, Bayern München - Werder Bremen, 15. Spieltag in der Allianz Arena. Milot Rashica von Werder Bremen jubelt über seinen Treffer zum 0:1. Foto: Matthias Balk/dpa - WICHTIGER HINWEIS: Gemäß den Vorgaben der DFL Deutsche Fußball Liga bzw. des DFB Deutscher Fußball-Bund ist es untersagt, in dem Stadion und/oder vom Spiel angefertigte Fotoaufnahmen in Form von Sequenzbildern und/oder videoähnlichen Fotostrecken zu verwerten bzw. verwerten zu lassen. +++ dpa-Bildfunk +++ (KEYSTONE/DPA/Matthias Balk)

Werder Bremen ka njoftuar se Milot Rashica është rikthyer në stërvitje me skuadrën të martën, në prag të ndeshjes së fundjavës kundër Freiburgut në Bundesligë, në një kohë kur kritikat ndaj tij nga atdheu kanë qenë të ashpra.

Rashica, i cili u akuzua në vendlindje pse mungoi javën e kaluar në humbjen e Kosovës kundër Maqedonisë së Veriut, e cila ua shoi ëndrrën dardanëve për kualifikim në Euro 2020, ka rreth një muaj jashtë fushës së lojës.

24-vjeçari u lëndua më 4 shtator në barazimin e Kosovës 1:1 kundër Moldavisë në ndeshjen hapëse të Grupit 3 në edicionin e ri të Ligës së Kombeve.

Werderi ka njoftuar se ai është kthyer në stërvitje sot çuditërisht, edhe pse në fund të shtatorit Rashica stërviti me skuadrën e Florian Kohfeldt dhe madje pritej të luante në javën e parë të tetorit.

Clemens Fritz, shef i Werderit për Futbollin Profesionist dhe Vëzhgimin e Talenteve, kishte thënë më 30 shtator se Rashica e kishte tejkaluar lëndimin dhe se do të luante së shpejti për Werderin.

Megjithatë, ai ende nuk ka luajtur për Werderin këtë sezon, por pritet ta bëjë këtë të shtunën kundër Freiburg.

Rashica u kritikua ashpër dhe u akuzua se nuk tregoi vullnet për t’iu bashkuar Kosovën për takimin më të rëndësishëm deri tani, i cili për shumë njerëz ishte historik.

Ai u detyrua të reagojë me një sqarim në rrjetet sociale, duke thënë se lëndimin nuk e kishte tejkaluar.

Për sulmuesin e lindur në Vushtrri kjo ka qenë një verë dëshpëruese dhe zhgënjyese, sepse i dështoi largimi nga Werderi dhe ai do të detyrohet të qëndrojë në klub të paktën deri në hapjen e afatit kalimtar të dimrit në janar.