Lajme
Raporti i fundit: 193 milionë njerëz në botë vuajnë nga uria

Rreth 193 milionë njerëz në 53 vende ose territore përjetuan vitin e kaluar një pasiguri akute ushqimore.
Kështu thotë raporti i organizatës për ushqimin dhe agrikulturën, FAO, sipas të cilit bëhet fjalë për një rritje me rreth 40 milionë njerëz krahasuar me vitin paraardhës.
“Ky është një numër rekord, 40 milionë njerëz më shumë se një vit më parë. Nëse e shohim këtë trend në një plan afatgjatë, është dy herë më shumë se numri që kishim 6 vjet më parë. Ndaj, shqetësues është fakti se po përballemi me një pasiguri ushqimore”, tha Luca Russo, analist i krizave ushqimore, FAO.
Vendet më të prekura nga kriza mbeten ato që vuajnë nga konfliktet si Afganistani, Kongo, Etiopia, Nigeria, Somalia, Sudani i Jugut, Siria dhe Jemeni.
“Nuk ka ushqim për shkak të thatësirës që ka shkatërruar edhe gjënë e gjallë, si dhitë, gamilet dhe lopët. Njerëzit po përballen me krizën më të rëndë. Lumenjtë janë tharë dhe njerëzit kanë mungesë rezervash ujore”, u shpreh Abdi Weyrah Muhumad, fermer nga Somalia.
Sipas raportit, vendet e përfshira nga pasiguria ushqimore pritet të preken gjithashtu nga tronditjet ekonomike dhe ndryshimet e klimës.
Lufta në Ukrainë pritet të ketë pasoja të rënda për sigurinë ushqimore globale, pas zhvendosjes së miliona ukrainasve dhe shkatërrimit të infrastrukturës dhe mjeteve të jetesës. Kjo, pasi bota varet nga Ukraina dhe Rusia për furnizimin me drithëra dhe fertilizues.
E-Diaspora
-
Britani
Çifti Bujupi fiton 600 mijë euro në lotarinë britanike: Do ta ndihmoj nënën në Kosovë Fat i madh për çiftin Bujupi në Britani: 600 mijë euro në loto...
-
Orkestra Simfonike e TKOBAP-së mahnit në Festivalin “Respighi Bologna 2025”
-
Bern
Shoqata “Bashkimi” në Bern organizon festë për 28 Nëntorin
-
Kosova, e vetmja përfaqësuese e librit shqip në Panairin e Frankfurtit
-
Ekspozitë: “Migracioni – E ardhmja në retrospektivë”
Jeta në Austri
-
Vjenë: 200 ankesa të paraqitura kundër supermarketeve për zbritje mashtruese Vjena gjobiti supermarketet për etiketa çmimesh të rreme dhe mungesë zbritjesh pas 1,200 inspektimeve; rrjetet e...
-
Mashtrues në Vjenë: Paraqiten si punonjës uji për të vjedhur apartamente
-
Tronditëse: Foshnje e porsalindur gjendet e vdekur në çatinë e një garazhi në Graz
-
Rregulla të reja për punonjësit e pavarur në Austri nga viti 2026
-
Austri: Promovohet romanit autobiografik „KREUZTANNE“ nga Fate Velaj