Rama: “S’ kemi hequr dorë nga pagesa”, premton zgjidhje 

Kryeministri tha se nuk do të rifillojë tarifa për Rrugën e Kombit pa gjetur një zgjidhje. Ai ka pranuar se duhej bërë konsulta me qytetarët para vendosjes së pagesës

Kryeministri Edi Rama dhe ministri Damian Gjiknuri, në takimin me banorët e Kukësit kanë treguar pse nuk e kanë takuar kryetarin e Bashkisë së Kukësit. Rama ka thënë se kjo është bërë pasi ai nuk është distancuar nga dhuna.

“Kryetarit të Bashkisë Kukësit i them sot se jo vetëm nuk jam tërhequr nga asgjë, por thjesht po bëjmë një proces që duhet ta kishim bërë më përpara. Kjo është e vërtetë, për këtë kam kërkuar ndjesë dhe ndryshe nga të tjetër përpara, ne as nuk e konsiderojmë veten të pagabueshëm, unë as nuk e konsideroj veten të pagabueshëm, as ata që më dëgjojnë”, ka thënë Rama.

Kryeministri tha se nuk do të rifillojë tarifa për Rrugën e Kombit pa gjetur një zgjidhje. Ai ka pranuar se duhej bërë konsulta me qytetarët para vendosjes së pagesës. Ai nuk ka folur për mosbindjen civile të opozitës.