Radiodramë e BBC për Kosovën

Radiodrama “Në Fushat e Kosovës” do të transmetohet në Radio 4 nga e hëna e 9 janarit deri të premten më 13 janar në orën 10:45 dhe me reprizë në orën 19:45

BBC ka njoftuar programin më të ri në Radion numër 4 të saj, që do titullohet “Në fushën e Kosovës”, shkruan albinfo.ch.

Shënimet e këngëtares së njohur PJ Harvey gjatë udhëtimit në Kosovën e vitit 2011 kur mori pjesë në Festivalin Dokufest në Prizren, do të bëhen radiodramë me titullin “On Kosovo Field” apo në “Në fushën e Kosovës”.

Radio drama e ndarë në pesë pjesë është e inspiruar nga shënimet e PJ Harvey gjatë udhëtimit të saj në Kosovë. Kjo dramë është shkruar nga Fin Kennedy dhe dy kosovarë, një vëlla dhe motër që kanë lindur në Mançester të Anglisë, e të cilët kthehen në Kosovë, pasi mësojnë për një varr masiv që gjendet afër shtëpisë së tyre të lindjes.

Aktorët që do të japin zërin e tyre për të portretizuar këto dy personazhe janë Michelle Keegan dhe Nico Mirallegro, teksa radiodrama do të ketë si producent Nadia Molinari.

Radiodrama “Në Fushat e Kosovës” do të transmetohet në Radio 4 nga e hëna e 9 janarit deri të premten më 13 janar në orën 10:45 dhe me reprizë në orën 19:45.