Qiratë në Zvicër vazhdojnë të rriten

(KEYSTONE/Steffen Schmidt)

Qiratë vazhduan të rriten në muajin e kaluar në gjithë vendin, me përjashtim të kantonit Fribourg, sipas sondazhit të bazuar në shifrat nga tregu i pasurive të paluajtshme Homegate dhe Banka Kantonale e Cyrihut, përcjell albinfo.ch.

Në total, qiratë u rritën me 0.5 pikë përqindje në maj krahasuar me një muaj më parë.

Por, kur krahasohen me të njëjtën periudhë të vitit 2022, ato janë rritur me 3.1 për qind në gjithë Zvicrën.

“Një tablo e ngjashme shfaqet në nivelin e qyteteve të anketuara”, zbuloi sondazhi.

“Me përjashtim të qytetit të Bernës, çmimet për banesat me qira të shpallura janë rritur midis 0.5 për qind në Bazel dhe 1.6 për qind në Cyrih”.