Punët po ringjallen në sektorin e hotelerisë dhe restoranteve në Zvicër

Të gjitha pjesët e Zvicrës po shohin rritje pozitive në vendet e lira të punës

Numri i vendeve të punës në dy industritë që u ndikuan më shumë nga mbylljet e përsëritura gjatë pandemisë është rritur ndjeshëm në një hark kohor prej një viti, njofton albinfo.ch.

Punësimi i personelit për industrinë e hoteleve dhe restoranteve u rrit me gati 140 për qind midis marsit 2021 dhe marsit 2022, sipas një studimi të ri nga agjencia e rekrutimit Michael Page.

Në të gjithë sektorët e kombinuar, ofertat e punës janë rritur me 40.1 për qind gjatë 12 muajve të fundit.

Rekrutimi ka qenë veçanërisht i fortë për punët në mjedis dhe ekologji (+69.7 përqind), dhe në sigurinë e IT (+68.1 përqind).

Të gjitha pjesët e Zvicrës po shohin rritje pozitive në vendet e lira të punës të shpallura, me kërkesën më të lartë në pjesën lindore të vendit si dhe në rajonin e Liqenit të Gjenevës. /Albinfo.ch

---