Lajme
Pse Putini dëshiron të instalojë kamera vëzhgimi në Zvicër – dhe a mundet?
Presidenti i Rusisë me sa duket synon të vendosë pajisje të vëzhgimit me video për të mbrojtur një monument rus të vendosur në kantonin zviceran - por a është e mundur kjo?
Monumenti në fjalë ndodhet në kantonin e Urit dhe është ngritur në kujtim të ushtarëve rusë të udhëhequr nga gjenerali Aleksandër Suvorov, të cilët vdiqën në luftime kundër Napoleonit gjatë kalimit të ushtrisë në Alpet në shtator 1799.
Memoriali është gdhendur në shkëmbinjtë e Grykës Schöllenen që ndodhet në komunën e Andermatt, shkruan The Local, përcjell albinfo.ch.
Ai ka mbetur, i patrazuar, në këtë vendndodhje piktoreske për 123 vjetët e fundit, por që nga pushtimi i Rusisë në Ukrainë në shkurt, monumenti nuk është më vendi i pelegrinazheve paqësore për diplomatët rusë dhe turistët.
Në maj, vizitorë të panjohur spërkatën bojë blu dhe të verdhë – ngjyrat kombëtare të Ukrainës – mbi monumentin, një akt që u konsiderua si vandalizëm nga zyrtarët rusë.
Tani Vladimir Putin thuhet se dëshiron të instalojë videokamera në vendin, i cili është në pronësi dhe mirëmbahet nga qeveria ruse.
Monumenti shkaktoi gjithashtu polemika në shtator, kur një bandë biçiklistësh rusë me bazë në Zvicër, besnikë ndaj Putinit, të njohur si Ujqërit e Natës, pozuan para memorialit gjatë një ceremonie zyrtare të vendosjes së kurorave, përcjell tutje albinfo.ch.
A mundet Putini vërtet të vendosë pajisje në Zvicër?
Ky nuk do të ishte rasti i parë i aktiviteteve ‘spiunuese’ të Rusisë në Zvicër (ose gjetkë), por këtë herë Kremlini ka folur paraprakisht.
Megjithatë, ndërsa vetë monumenti mund t’i përkasë Rusisë, zona përreth nuk i përket.
Kamerat nuk mund të vendosen ligjërisht në zonë pa miratimin e komunës dhe kantonit, asnjëri prej të cilëve nuk ka komentuar për këtë çështje deri më tani.
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?