Pse kanë rënë shitjet e veturave të reja në BE

(KEYSTONE/Martial Trezzini)

Shitjet e veturave të reja në Bashkimin Evropian kanë rënë 1,6%, në bazë vjetore, në nëntë muajt e parë të vitit 2019, sipas të dhënave të industrisë.

“Nga janari deri në shtator u regjistruan 11,8 milionë automjete të reja”, deklaroi Shoqata Evropiane e Prodhuesve të Automjeteve (ACEA) në buletinin e saj mujor.

Në pesë tregjet kryesore të BE-së, kërkesa u rrit vetëm në Gjermani me 2,5%, transmeton ATSH.

Shitjet ranë me 7,4 % në Spanjë, 2,5 % në Britaninë e Madhe, 1,6 % në Itali dhe 1,3 % në Francë, përcjell albinfo.ch.

“Në shtatorin e vitit 2018 shitjet ranë ndjeshëm pas futjes së standardeve të reja të emetimit WLTP”, deklaroi ACEA.

Në periudhën janar-shtator, udhëheqësi i tregut evropian “Volkswagen” përfaqësoi një pjesë të shitjeve prej 24,3 %, të pandryshuar në krahasim me atë që kishte në të njëjtën periudhë të vitit 2018.