Pse Cyrihu pret një humbje masive financiare?

Armend Berisha - Cyrih

Edhe pse vazhdimisht renditet ndër qytetet më të pasura në botë, Cyrihu do të jetë 175.3 milionë franga më i varfër në vitin 2024, thanë autoritetet komunale në një deklaratë për shtyp të martën, përcjell albinfo.ch.

Rritja e popullsisë, përveç parave të shpenzuara për strehim, zhvillim të vendeve të punës, shkolla, shërbime për kujdesin e fëmijëve dhe infrastrukturë tjetër, “hëngri” një pjesë të konsiderueshme të buxhetit komunal.

Megjithatë, këto para u shpenzuan mirë, sepse do të ndihmojnë Cyrihun “të mbetet një vend tërheqës për të jetuar dhe për të bërë biznes”, vuri në dukje Këshilli i qytetit.