Protesta të dhunshme në Francë për 1 Maj

Keystone

Në mbarë botën u zhvilluan protesta për të kujtuar 1 Majin, Ditën e Punëtorëve.

Në disa qytete, protestat ishin paqësore dhe parakalime me pankarta në duar për më shumë të drejta, ndërsa në disa shpërtheu dhuna. Protesta të qeta janë zhvilluar në Prishtinë, por edhe Shqipëri e Maqedoni.

Kurse protesta të dhunshme kishte në Paris. Qindra tubues ishin në rrugët dhe sheshet e kryeqytetit francez dhe shpejt, ato që duhej të ishin protesta paqësore, u shndërruan në dhunë e kaos, përcjell albinfo.ch.

Protestuesit sulmuan dyqane të ndryshme, që për grupe të vogla anarkiste janë simbol i kapitalizmit dhe shfrytëzimit të klasës punëtore.

Policia hodhi gaz lotsjellës dhe u përpoq të shpërndajë grupet problematike të anarkistëve. Mediat franceze raportojnë për disa të lënduar nga radhët e protestuesve.

Protesta pati edhe në Londër, por nuk u shoqëruan me dhunë.