Protesta në Prishtinë: Përdhunuesit në burg

Foto: RTV 21

Iniciativa e Të Rinjve për të Drejtat e Njeriut në Kosovë ka filluar protestën para stacionit qendror në Prishtinë.

Kjo protestë vjen pas rasteve të fundit të raportuara në media për përdhunime të grave, përcjell albinfo.ch.

Para stacionit të policisë janë mbledhur qytetarë të shumtë, ndër ta edhe deputetë të Kuvendit të Kosovës, raportojnë mediat vendore.

Ditën e martë në media u raportua se e mitura nga Drenasi ishte keqpërdorur seksualisht nga profesori SH. XH dhe nga hetuesi policor V. V, ky i fundit e kishte lënë shtatzënë të miturën e pastaj e kishte detyruar që të abortojë. Polici në fjalë është arrestuar.

Lidhur me rastin Kryetari i Komunës së Drenasit, Ramiz Lladrovci ka mbajtur një konferencë për media, ku ka treguar për rrjedhshmërinë e ngjarjes.

Ai po ashtu ka bërë të ditur se mësimdhënësi SH. XH është ripezulluar nga puna. Hetuesi i dyshuar do të përballet me gjykatën në orën 14:00.