Protesta kundër pelegrinëve serbë në Gjakovë

Në Gjakovë tashmë ka filluar protesta kundër ardhjes së “pelegrinëve”, ndërsa Policia e Kosovës tashmë ka vënë rrethojat që të mos ndodhin incidente

Ardhja e pelegrinëvë serbë, sërish ka irrituar qytetarët e Gjakovës, të cilët për vite me radhë protestojnë kunde ardhjes së serbëvë për të bërë homazhe në kishën e këtij qyteti me reastin e krishtlindjeve ortodokse. Për gjakovarët, rikthimi i serbëve në Gjakovë, është rithimi i kriminelëvë në vendin e krimit.

Në Gjakovë tashmë ka filluar protesta kundër ardhjes së “pelegrinëve”, ndërsa Policia e Kosovës tashmë ka vënë rrethojat për protestuesit në formë që të mos ndodhin incidente. Gjakova është njw nga qytetet që ka hubur shumë qytetarë gatë luftës së fundit.

Në anën tjetër Qeveria e Kosovës i ka refuzuar kërkesën për hyrje në Kosovë presidentit të Serbisë, Tomisllav Nikoliq dhe të gjithë zyrtarëve të tjerë të Serbisë që do të shoqëronin atë në vizitë në Kosovë.

Këshilltari i Ministrit të Jashtëm, Bashmir Xhemaj i ka konfirmuar REL vendimin e qeverisë së Kosovës për refuzim të kërkesës së Presidentit Nikoliq.

Në një kumtesë të saj, ndërkohë, Ministria e Jashtme e Kosovës thotë se refuzimi I kërkesës për Nikoliqin vie pas “mosdeponimit në kohë të kërkesës”.

“Refuzimi vjen pas vonesës për të deponuar me kohë kërkesën për vizitë në Kosovë ashtu siç parashihet me marrëveshjen për lejimin e vizitave të zyrtarëve të lartë ndërmjet dy shteteve.

Qeveria e Kosovës konsideron se sjelljet e fundit të Serbisë dhe deklaratat e njëpasnjëshme janë kundër frymës së bashkëpunimit ndërshtetëror dhe të arriturave të dialogut për të ndërtuar ura të shëndosha bashkëpunimi në mes dy shteteve dhe popujve. Po ashtu, ato janë kundër interesit të qytetarëve serbë të Kosovës të cilët kanë vendosur të jetojnë në Kosovë”, thuhet në kumtesën e MPJ-së.

Presidenti i Serbisë, Tomisllav Nikoliq, kishte paralajëmruar vizitën në Kosovë në prag të Krishtlindjeve Ortodokse dhe pjesëmarrjen e tij në liturgjinë në një Kishë Ortodokse në Shtërpce, 60 kilometra në jug të Prishtinës. Nikoliq kishte paralajmëruar edhe takimin me përfaqësuesit politikë të serbëve të Kosovës.

Vendimi i qeverisë së Kosovës vie në kohën kur në Francë autoritetet e atjshme kanë ndaluar kryetarin e AAK-së, Ramush Haradinaj, në bazë të një flet arresti ndërkombëtar të autoriteteve të Serbisë. Por, kjo nuk është e tëra, pasi që liderët serbë sa herë që vijnë në Kosovë për vizita fetare, mbajnë ligjerata politike dhe i sugjerojnë qytetarëve serbë në Koaovë që ta sfidojnë hapur Prishtinën.