Protesta e opozitës në Tiranë: Mbi 1400 forca policore të angazhuar

Foto FB: Policia e Shtetit

Mbi 1400 forca policore janë angazhuar sot për mbarëvajtjen e protestës së thirrur nga opozita në orën 18:00.

Policia e Shtetit ka vendosur efektivë policie jo vetëm te Kryeministria, por edhe te Parlamenti dhe institucione të tjera teksa njoftohet se grupe me punonjës policie do të jenë të dislokuar edhe në disa zona të kryeqytetit, raporton a2cnn, transmeton albinfo.ch.

Drejtori i komanduar i Policisë, Sokol Bizhga ka zhvilluar mbledhje me vartësit e tij ku i ka dhënë porositë lidhur me protestën ku detyra kryesore është garantimi i sigurisë së qytetarëve dhe ruajtja e qetësisë duke iu shmangur provokimeve nëse do të ketë nga protestuesit.