Projektet e mëdha lihen për kohë fushate 

Projektet e mëdha lihen për kohë fushate. Nga Instituti Demokratik i Kosovës thonë se në këtë mënyrë po mashtrohen qytetarët

Në prag të zgjedhjeve lokale të tetorit, disa nga komunat kanë shtuar aktivitetet e tyre në prokurimin publik. Kjo po vërehet edhe në ueb-faqen e Komisionit Rregullativ të Prokurimit Publike pasi komunat kanë rritur aktivitetin e tyre, duke shpallur shumë tenderë.

Lënia e punëve për në fund të mandatit po shihet si dukuri negative nga shoqëria civile dhe si mashtrim për qytetarët. Monitoruesit e prokurimit publik thonë se një gjë e tillë nuk është e re, pasi, sipas tyre, komunat lënë shumë investime kapitale në prag të zgjedhjeve lokale raporton KTV-ja.

Isuf Zejna nga “Demokracia Plus”, shpjegon dy arsye pse, sipas tij, ndodh kjo. Nga Instituti Demokratik i Kosovës thonë se në këtë mënyrë po mashtrohen qytetarët. Sipas tyre, komunat kanë katër vjet kohë për të dëshmuar punën e tyre.

Shoqëria civile kërkon që të formohet një institucion  i pavarur, i cili do t’i monitoronte fushatat zgjedhore ose të mandatonte një nga një institucionet aktuale, siç janë Zyra e Auditorit të Përgjithshëm dhe Agjencia Kundër Korrupsion.