Prizreni, komuna me numrin më të madh të ndarjeve

Gjatë vitit 2022 në Kosovë u shkurorëzuan më shumë se 2 mijë e 80 çifte.

Kështu është bërë e ditur nga raporti i Agjencisë së Statistikave të Kosovës për vitin e kaluar.

Prizreni është komuna me numrin më të madh të ndarjeve, ku 209 çifte bashkëshortore zyrtarisht e ndryshuan statusin e tyre martesor.

Për dallim nga prizrenasit, në qytetin e Ranillugut e Zubin Potokut numri i shkurorëzimeve është zero, sipas këtyre te dhënave.

658 çifte të cilët vendosën të shkurorëzohen kishin kaluar 5-9 vite bashkë jete martesore.

Ndërsa 135 çifte që kurorëzuan dashurinë e tyre me martesë e kaluan bashkë 25 vite vendosën të shkurorëzohen pas më shumë se dy dekada.

Ne kete raport rezultojnë edhe 35 çifte qe nuk festuan as përvjetorin e parë të martesës.

Ndërsa grup mosha nen 19 vjeç ka vetëm 9 raste.