Pritje deri në një orë në Merdarë për të dalë nga Kosova

(AP Photo/Visar Kryeziu)

Diaspora ka përfunduar tashmë pushimet verore në Kosovë dhe kanë nisur të kthehen për në vendet perëndimore ku jetojnë e punojnë, raporton albinfo.ch.

Bazuar në të dhënat e Qendrës për Menaxhimin Kufitar, pritjet shkojnë deri në një orë në pikat kufitare për të dalë nga Kosova.

Nga përditësimi i fundit, më e ngarkuara është pika kufitare në Merdarë ku pritjet shkojnë nga 40 minuta deri në një orë.

Te Dheu i Bardhë pritjet janë deri në 40 minuta, derisa pikat e tjera kufitare janë më të pangarkuara dhe nuk ka pritje më shumë se pesë minuta, raporton albinfo.ch.