Pritet të përmirësohet cilësia e ajrit në Prishtinë

Rama nënshkruan projektin mbi 23 milionësh

Raportohet se Banka Evropiane për Rindërtim dhe Zhvillim (BERZh) ka investuar 23.2 milionë euro për energjinë solare në Kosovë, përcjell albinfo.ch.

Kryetari i Prishtinës, Përparim Rama, ka thënë se ky është një prej projekteve më të rëndësishme për kryeqytetin.

“23.2 milionë EUR nga BERZh për energjinë solare në Kosovë – një prej projekteve më të rëndësishme për Prishtinën”, ka shkruar Rama në Facebook, duke shtuar se falë këtij projekti, sistemi i ngrohjes në kryeqytet do të transformohet përmes energjisë, duke ndikuar kështu dukshëm në përmirësimin e cilësisë së ajrit.

“Faleminderit BERZh, një nga partnerët tanë kryesorë drejt ‘Prishtinës së gjelbër’ dhe Fisnik Osmani për punën e vazhdueshme në zgjerimin e rrjetit të ngrohjes në gjithë qytetin ?”, ka shkruar tutje i pari i Prishtinës.

---