Konfirmohet befasia e zgjedhjeve, BESA aktualisht prinë përball BDI-së

Sipas rezultateve paraprake jozyrtare, gara në bllokun politik shqiptarë është duke u zhvilluar në mes BDI-së dhe koalicionit, Rilindje me Besë

Rezultatet nga 18 për qind e votave të numëruara nga Komisoni Qendror të Zgjedhjeve konfirmohet befasia e këtyre zgjedhjeve duke dominuar koalicioni Rilindje me Besë.

Në nivel vendi rezultate parprake flasin se VMRO-DPMNE prinë me 40.7 për qind për dallim prej LSDM-së që ka aktualisht vetëm 35 për qind. Në bllokun shqiptar koalicioni Rilindje me Besë prinë me 7.14 për qind për dallim prej BDI-së që ka aktualisht 6.93 ndërsa PDSH me 3.32 për qind.

—————————–

Në ora 19:00 janë mbyllur të gjitha vendvotimet në Maqedoni, ndërsa nga numri i pjesshëm i votave, po shihet befasi në këto zgjedhje. Sipas rezultateve paraprake jozyrtare, gara në bllokun politik shqiptarë është zhvilluar në mes BDI-së dhe koalicionit, Rilindje me Besë.

Informatat e para flasin dhe për një numër të konsiderueshëm që ka shkuar edhe për LSDM. Ndërsa mësojmë se në fshatin Brezë në Malësinë e Shkupit, që njihej si bastioni i BDI-së, LSDM ka befasuar opinionin duke marrë më shumë vota se BDI-ja.

Në Tetove, fshati Poroj prinë Rilindje me Besë – 471; PDSH 395; BDI 274; Aleanca për Shqiptarët 218
LSDM 86. Në fshatin Tearcë: BDI 80, PDSH 65, Rilindje me Besë 44, LR-PDSH 27, LSDM 14, PPD 1, VMRO 1.

Tetovë, fshati Përshefcë; BDI-382 vota; PDSH – 297 vota; Rilindje me Bese – 211 vota, Aleanca për Shqiptarët – 157; LSDM – 72 vota. Në Nerasht vendvotimi 2030, BESA 202; BDI 91; PDSH 22; Aleanca për Shqiptarët 11; LSDM 5

Shkup, fshati Brezë: 108 vota për LSDM; 92 BDI; 39 PDSH; 18 Besa dhe 14 Ziadin Sela. Në Studençan prinë Besa me 1500 vota duke lënë pas LSDM-në me 1300. PDSH ka marrë 900 vota; BDI 800 dhe Ziadin Sela 400.

Po ashtu befasi duket se ka edhe në Haraçinë, fshatin më të madh të Shkupit, kua atje po prinë LSDM e Zaevit. Në këtë fshat për çudi nuk ka asnjë qytetarë të nacionalitetit maqedonas, që i bije se shqiptarët kanë mbështetur liderin opozitar maqedonas, Zoran Zaev.

Ndryshe, në këtë zgjedhje është vërejtur një organizim më i madh i qytetarëve për të votuar. Sipas njoftimeve, më shumë se 65 për qind e qytetarëve me të drejt vote kanë marrë pjesë në votime.