Prishtina i tregon vendin Dardanisë së Bazelit, 5:1

Ashtu siç ishte paralajmëruar, skuadra shqiptare nga Bazeli, FC Dardania, u përball sot në mesditë në një takim miqësor me kampionin e Kosovës, FC Prishtinën

Prishtina e nisi lojën me tempo të lartë të sulmeve të njëpasnjëshme në drejtim të portës musafire, ku vetëm pas një çereku lojë ata nuk arritën të realizojnë tri raste të qindë për qinda për shënim. Kastriot Raxha, Isuf Llumnica dhe Shkëmbim Salihu dështuan të tëndin rrjetën e Kajum Osmanit. Por dhe shumë raste të tjera të prishtinasve që nuk u treguan efecient para portës së Osmanit.

Portieri i Dardanisë ndonëse tregoi shenja pasigurie, ishte më meritori që pjesa e parë e takimit të mbyllej tre zero në favor të skuadrës vendase, me golat e shënuar I. Shabani në minutën e 28, G. Begolli në minutën 35-të dhe Liridonn Latifi në minutën 43-të.  Ndonëse goli i dytë ishte pozitë jashtë loje dhe i treti erdhi pas një ndërhyjre të ashpër të prishtinasve që arbitri nuk e ndali.

Megjithë presionin e vendasve skuadra zvicerane nuk u dorëzua dhe vazhdoi të krijojë raste për shënim. Veçmas treshja e lojtarëve me përvojë, Artan Shillova, Përparim Rafuna dhe Bajram Salihu rrezikonin portën e prishtinasve.

Kështu në minutën e shtatë, Artan Shillova për pak sa nuk befasoi me një gjuajtje të furishme prej 25 metrash portierin e reprezentacioni të Kosovës, Kushtrim Mushicën. Gjuajtjet e forta të Artan Shillovës e vënin seriozisht në provë Mushicën tri ditë para përballjes së parë së Kosovës kundër Haitit.

Pjesa e dytë e përballjes nisi prapë me domininim të Prishtinës të cilët ngritën epërsinë në 4  dhe pas pak në 5- 0.

Ndërkohë që përpjekjet e dardanëve për të shënuar golin i nderit u finalizuan pak para përfundimit të ndeshjës, e cila u mbyll 5:1

Skuadra musafire ndonëse vjen nga një ligë shumë më e ulët e futbollit e futbollit zviceran i rezistoi mirë sulemeve të vendasve, të cilët fizikisht ishin shumë më të përgatitur se musafirët. Mirëpo nga aspekti teknik nuk vërehej ndonjë dallim i madh, u shpreh trajneri i Dardanisë I.Hajdari.

„Prishtina ishte shumë më e përgatitër se ne, shihej qartë se ne fizikisht luajmë në disa nivele në poshtë se ta. Prishtina ka një skuadër të mirë që luan futboll të rrjedhshëm dhe për ne ishte  një rast i rrallë për të luajtur kundër tyre“, u shpreh ai falenderues për mikpritjen e prishtinasve.

Kurse në fund të ndeshjës, Afrim Tovërlani e vlerësoi lojën e dardanëve të mirë, duke marrë parasysh se në çfarë lige garojnë, sot ata treguan një lojë të mirë, tha ai.

„Për ne ka qenë kjo ndeshja fundit para fillimit të kampionatit dhe rezultati nuk kishte rëndësi, por megjithatë e kam parë që  skuadra jonë është më e përgatitur se Dardania. Më bënë përshtypje disa futbollistë të Dardanisë dhe për rangun që janë, luajnë mirë, vlerësoi Toverlani.

I pyetur nga albinfo për motivacionin e lojtarëve për të luajtër kundër një skuadre nga diaspora, Toverlani u shpreh  se i kam futur lojtarët në lojë me motivacionin që të luajnë në mënyrën më serioze që është e mundur, pa e nënçmuar kundërshtarin dhe që të kenë  kujdes në duele, duke dëshmuar respektin për skuadrën që ka ardhur nga diaspora e mos ti lëndjnë ata, e as veten sepse kampionati fillon sot një javë.

Bekim Dalipi