Prezantohet në Zug autobusi pa shofer

I tërë projekti pilot do të vazhdojë deri në fund të vitit 2018. Pas kësaj, partnerët do të vendosin se si do të integrohet makina vetëlëvizëse në trafikun publik të Zug-ut

Në qytetin Zug të kantonit me të njëjtin emër, është prezantuar sot prototipi i automjetit që vihet në lëvizje pa shofer. Ai do të hyjë në qarkullim për linjën në mes të Stacionit Hekurudhor të Zug-ut dhe zoneës industriale të këtij qyteti, gjegjësisht në kufi me qytetin tjetër Baar.

Makinën që lëviz vet, e kanë prezantuar Ndërmarrja Hekurudhore Federale SBB/CFF, pastaj Mobility Carsharing, ZVB, Qyteti i Zugut dhe dhe Technologiecluster Zug, shkruan srf.ch.

Në fazën e dytë, siç është parashikuar, nga viti 2018, udhëtarët do të mund ta shfrytëzojnë këtë automjet brenda një zone të kufizuar, transmeton albinfo.ch. Ndërsa i tërë projekti pilot do të vazhdojë deri në fund të vitit 2018. Pas kësaj, partnerët e përmendur do të vendosin se si do të integrohet makina vetëlëvizëse në trafikun publik të Zug-ut.